Diş fırcasını alarkən nələrə diqqət yetirməliyik?

Öncəliklə onu qeyd edim ki, diş fırçasını ən geci 4 ayda bir dəyişmək lazımdır. Mütəmadi istifadə zamanı fırça bu müddətə öz keyfiyyətini və funksiyasını itirir. Fırçalar da sizin ağız boşluğunuzun vəziyyətinə, mövcud ola biləcək problemlərə, ağız boşluğunuzdaki ortopedik, ortodontik konstruksiyalara uyğun istehsal edilir. Fırçalar istifadə qaydasına görə – manual, elektrikli və ultrasonik. Tükcüklərin sərtliyinə görə – yumşaq, orta və sərt. Tükcüklərin düzülüşünə görə – klassik, dairəvi, güc çıxıntılı, dalğavari. Əlavə aksesuarlı – damaqları massaj etmək üçün rezin çıxıntılı, dişin cilalanmasını artırmaq üçün kasa fomalı rezinli, dili təmizləmək üçün başlığın arxasında rezin qurğulu. Müxtəlif konstruksiyaları təmizləmək üçün xüsusi dizaynlı – implant dişlər üçün fırçalar, breketli dişlər üçün fırçalar. Diş aralarını təmizləmək üçün – interdental fırçalar və sair. növlərdə istehsal olunur. Bu qədər geniş çeşid olduğu halda sizin hələdə təsadüfi fırça seçməniz heçdə doğru olmazdı. Mütləq stomatoloqunuzdan ağız boşluğunuzun vəziyyəti barədə tam dolğun məlumat alın, bundan sonra sizə uyğun olan fırçanı seçin. Alarkən mütləq fırçanın üzərində olan yazıları oxuyub bir daha sizə uyğun olanını aldığınızdan əmin olun! Yalnış istifadə olunan fırça dişlərinizə, damaqlarınıza, mövcud ortopedik konstruksiyalarınıza zərərli təsir göstərə bilər!