Stomotoloji Terminlər

Karies – Daxili və xarici faktorların kompleks təsirindən dişin sərt toxumalarının zədələnməsidir.

Mina – Diş tacının xarici qoruyucu təbəqəsidir. İnsan orqanizminin ən sərt toxumasıdır. 97% qeyri orqanik, 3% orqanik maddələrdən və sudan ibarətdir.

Dentin – Mina qatını altında yerləşən, dişin əsasını təşkil edən sərt toxumadır. 70%i hidroksiapatitlərdən, 20 % o orqanik maddələrdən və sudan ibarətdir. Dentin kanalcıqlarından və kollagen liflərdən ibarətdir.

Sement– Dişin kökünü örtən spesifik sümük toxumasıdır, Diş kökünün alveol boşluğunda hermetik yerləşməsini təmin edir.

Pulpa – Qan damarları, sinir ucluqları və limfatik damarlarla zəngin yumşaq birləşdirici toxumadır. Dişin inkişafını, qidalanmasını və özünü müdafiəsini təmin edir.

Pulpit – Pulpanın əsasən dərin kariesdən infeksiyalaşmasından formalaşan iltihabi prosesdir.

Diş əti – Çənə sümüyünü və dişlərin boyun hissəsini əhatə edən yumşaq toxumadır.

Periodont – Dişin sement qatı ilə alveol sümüyü arasında yerləşən birləşdirici toxumadır. Müdafiə , elastiklik, trofiki və s funksiyalara malikdir.

Qan damarları və sinirlər – Diş pulpasının əsasını təşkil edib, dişin qidalanması, inkişafı və müdafiəsini təmin edirlər.

Qapaq – Dişin tac hissəsindəki qüsurları bərpa ermək üçün müxtəlif materiallardan hazırlanmış çıxmayan diş protezidir.

Vinir – Dişlərin estetik bərpası, Gülüş Dizaynı ( Hollywood gülüşü) əldə etmək üçün istifadə olunan üsuldur.

Diş körpüləri– İtirilmiş dişlərin bərpası məqsədi ilə Zirkon ,meral Keramik və s. materiallarla hazırlanmış çıxmayan diş protezləridir.

İmplant– İtirilmiş dişlərin bərpasi üçün istifadə olunan, əsasən titan və titan birləşmələrindən hazirlanan diş kökü əvəzedicisidir.

Abatment– İmplantla diş protezinin arasinda fiksasiya yaratmaq məqsədi ilə istifadə olunan birləşmədir.

Breketlər– Diş cərgəsindəki qüsurlarin dişlərə heç bir zərəri olmadan bərpa edilməsi üsuludur.Metallik, keramik, şəffaf sapfir, özü idarə olunan, lingual, rəngli və s. növləri var. Breketlərlə müalicə ağrısız amma uzun müddətlidir. Mualicə daimi dişlər tam çıxdıqdan sonra istənilən yaş həddində aparıla bilər.